ABŞ-də prezident seçkisi keçirilir

• 05.11.2024 14:43
• 60 baxış

ABŞ-də 60-cı prezident seçkisi başlayıb.

Əsas səsvermə bu günə - noyabrın 5-nə təyin edilib.

Bu barədə Edalettv.Az İnterfaks.ru-ya istinadən xəbər verir.

Məlumata görə, ilk seçki məntəqələri Vermont ştatında yerli vaxtla səhər saat 05:00-da (Bakı vaxtı ilə 14:00) açılıb.

Men, Nyu-Cersi, Nyu-York və Virciniya kimi ştatlardakı seçki məntəqələri seçiciləri səhər saat 6:00-dan (Bakı vaxtı ilə 15:00) qəbul edəcək. ABŞ-nin paytaxtı Vaşinqtonda isə səsvermə saat 7:00-da (Bakı vaxtı ilə 16:00) başlayacaq.

Vaşinqton ştatında və Alyaskada məntəqələr saat 11:00-da (Bakı vaxtı ilə 20:00), Havayda isə 12:00-da (Bakı vaxtı ilə 21:00) açılacaq.