Axır ki, Azərbaycan millisi “Avro-2024”də ilk qələbəsini qazandı

• 13.10.2023 22:01
• 123 baxış

Azərbaycan millisi bu gün Avro-2024-ün seçmə mərhələsində 5-ci oyununa çıxıb.

GundelikXeber.az xəbər verir ki, Canni De Byazinin baş məşqçisi olduğu komanda səfərdə Estoniya ilə qarşılaşıb. Tallində keçirilən görüşdə Azərbaycan millisi 2:0 hesabı ilə qalib gəlib. Bu komandalar arasında Bakıdakı matç 1:1 hesabı ilə başa çatmışdı.

Beləliklə, Azərbaycan milisi Avro-2024-ün seçmə mərhələsində 5-ci oyununda qələbə qazanıb. Komanda bundan əvvəl Avstriyaya 1:4, İsveçə 0:5, Belçikaya 0:1 hesabı ilə uduzmuş, Estoniya ilə 1:1 hesablı bərabərə qalmışdı.

Qrupun digər oyununda Avstriya Belçikanı qəbul edəcək.

Azərbaycan millisi hazırda F qrupunda 4 xalla (5 oyun) 5-ci, Estoniya 1 xalla (6 oyun) 6-cıdır.

13 oktyabr

20:00. Estoniya - Azərbaycan - 0:2 

Qollar: Toral Bayramov, 9, Ramil Şeydayev, 45+4-pen. 

Baş hakim: Xesus Xil Mansano (İspaniya)