Azərbaycanda "Son zəng" qeyd edilir
- 14.06.2025 08:08
- 69 baxış
Bu gün Azərbaycanda "Son zəng" qeyd edilir.
Edalettv.Az xəbər verir ki, 15 sentyabrda başlayan 2024-25-ci tədris ili bu gün başa çatır.
2024-2025-ci tədris ilində respublikanın ümumi təhsil müəssisələrinin XI sinifləri üzrə 113 000 nəfərə yaxın şagird məzun olur. Onlardan 54 000 nəfərə yaxını qız, 58 000 nəfərdən çoxu oğlandır.
Bu il həmçinin 158 539 nəfər IX sinfi, 134 600 nəfər isə birinci sinfi bitirir.
2024-2025-ci tədris ilində ümumi təhsil müəssisələrinin məktəbəhazırlıq qruplarında 90 732 uşaq təhsil alıb.
2024-2025-ci tədris ilində ümumi təhsil müəssisələrində təhsilalanların sayı 1 704 065 nəfər təşkil edib.
Qeyd edək ki, "Son zəng" ənənəvi olaraq ümumi və tam orta təhsil pillələrini başa vuran şagirdlərin şərəfinə keçirilir və onların məktəb həyatında yeni mərhələnin başlanğıcını simvolizə edir. Bu münasibətlə respublikanın bütün məktəblərində məzunlar üçün bayram şənlikləri, xatirə tədbirləri və müxtəlif mədəni-əyləncəli proqramlar təşkil olunur.
