Azərbaycanda zədələnmiş təyyarə mühərrikinə görə böyük məbləğdə sığorta ödənişi verilib
- 29.12.2023 18:29
- 91 baxış
“İpək Yolu Sığorta” ASC Azərbaycana məxsus sərnişin təyyərəsinin zədələnmiş mühərrikinə görə 431 min manatdan çox sığorta ödənişi verib.
“Report”un əldə etdiyi məlumata görə, ödəniş “Azərbaycan Hava Yolları” QSC-yə (AZAL) verilib.
Belə ki, aviaşirkətə məxsus sığortalı təyyarə ötən il Naxçıvan-Bakı reysi üzrə uçuş həyata keçirərkən onun mühərrikinə yad cisim düşüb və mühərrik zədələnib. Araşdırmalar və qiymətləndirilmələr bitdikdən sonra bu il dəymiş zərərin dəqiq məbləği müəyyənləşdirilib və ödəniş həyata keçirilib.
