Fərid Əhmədov daha bir hakimə yüksək vəzifə verdi
- 03.07.2024 17:19
- 59 baxış
Ali Məhkəmənin daha bir hakimi Ədliyyə Nazirliyində yüksək vəzifəyə təyin edilib.
"Qafqazinfo"nun məlumatına görə, söhbət Ali Məhkəmənin mülki kollegiyasının hakimi Vidadi Məmmədovdan gedir.
Nazir Fərid Əhmədovun əmri ilə Vidadi Məmmədov nazirliyin icra xidmətinin rəisi təyin edilib.
Təyinatı ilə bağlı V.Məmmədovun hakimlik fəaliyyətinə xitam verilib.
Vidadi Məmmədov 2022-ci ildən bu vəzifəyə təyin olunanadək Azərbaycan Respublikası Ali Məhkəməsinin mülki kollegiyasının hakimi vəzifəsində çalışıb. O, Prezidentin 11 fevral 2023-cü il tarixli Sərəncamına əsasən, "Tərəqqi" medalı ilə təltif edilib.
Qeyd edək ki, bu yaxınlarda Ali Məhkəmənin hakimi Abiddin Hüseynov ədliyyə nazirinin müavini təyin edilmişdi.
