İsrail ordusu yeni hərbi əməliyyata başladı

İsrail ordusu (SAXAL) Qəzza zolağının şimalında yerləşən Cəbəliyə qaçqın düşərgəsində Fələstinin HƏMAS hərəkatının silahlı radikal qruplarına qarşı yeni hərbi əməliyyata başlayıb və onlarla hədəfə hücum edib.

Edalettv.Az TASS-a istinadən xəbər verir ki, bu barədə ordunun mətbuat xidməti məlumat yayıb.

Ordunun bəyanatına görə, əməliyyat başlamazdan əvvəl və əməliyyat zamanı İsrail Hərbi Hava Qüvvələri quru bölmələrinin hərəkətlərinə dəstək vermək üçün bölgədə "onlarla hərbi obyekti" vurublar.

"Hədəflər arasında silah anbarları, yeraltı infrastruktur obyektləri, terrorçu dəstələr və digər hərbi infrastruktur obyektləri olub", - deyə mətbuat xidməti bildirilib.

"Bölgədəki terror infrastrukturunu sistematik şəkildə məhv etmək məqsədini daşıyan Cəbəliyyə əməliyyatı qarşıya qoyulan hədəflərə çatmaq üçün lazım olan müddətcə davam edəcək", - ordu izah edib.

Digər Xəbərlər
Fatih Terim "Qarabağ" klubunun bazasını ziyarət edib
İlham Əliyev ABŞ Nümayəndələr Palatası üzvünün başçılıq etdiyi nümayəndə heyəti ilə görüşüb
Türkiyə XİN Azərbaycanı Milli Dirçəliş Günü münasibətilə təbrik edib - Foto
Ömər aşırımına güclü qar yağıb