Mais Quliyev Mühəndis

• 30.01.2026 12:19
• 2641 baxış

Mais Quliyev – məsuliyyətli mühəndis, peşəkar mütəxəssis və nümunəvi insan

Bu gün tikinti və yaşayış komplekslərinin düzgün idarə olunmasında, təhlükəsizliyin və rahatlığın təmin edilməsində mühəndislərin rolu əvəzsizdir. Məhz belə peşəkar kadrlardan biri də Ağ Saray Rezidens və Neftçilər Park Rezidens yaşayış komplekslərinin mühəndisi Mais Quliyevdir.

Mais müəllim öz vəzifəsinə böyük məsuliyyətlə yanaşan, işini qayda-qanun çərçivəsində, vicdanla və dəqiqliklə yerinə yetirən nümunəvi mütəxəssisdir. Onun əsas prinsipi hər zaman sakinlərin təhlükəsizliyi, binaların texniki vəziyyətinin yüksək səviyyədə saxlanılması və yaranan problemlərin operativ şəkildə həll olunmasıdır. Bu yanaşma sayəsində rəhbərlik etdiyi sahələrdə daim nizam-intizam hökm sürür.

Mais Quliyev texniki bilikləri ilə yanaşı, insanlarla ünsiyyətdə də mədəniyyətli və anlayışlı davranışı ilə seçilir. Sakinlərin müraciətlərinə diqqətlə yanaşır, hər bir məsələnin həllində operativlik göstərir və hər zaman kömək etməyə hazırdır. Onun fəaliyyəti nəticəsində Ağ Saray Rezidens və Neftçilər Park Rezidensdə texniki xidmət yüksək səviyyədə təşkil olunub.

Peşəsinə olan sevgisi, zəhmətkeşliyi və dürüstlüyü Mais müəllimi həm rəhbərlik, həm də sakinlər arasında hörmət qazanan şəxsə çevirib. O, işini sadəcə vəzifə kimi deyil, məsuliyyətli missiya kimi qəbul edir. Gecə-gündüz demədən ərazidə nizamın qorunmasına, avadanlıqların saz vəziyyətdə olmasına və ümumi təhlükəsizliyə nəzarət edir.

Belə mühəndislər müasir yaşayış komplekslərinin dayanıqlı fəaliyyəti üçün əsas dayaqlardandır. Mais Quliyev kimi vicdanlı və peşəkar kadrlar cəmiyyətimiz üçün böyük dəyərdir.

Mais müəllimə möhkəm can sağlığı, işlərində daim uğur və bol nailiyyətlər arzulayırıq. Yolunuz açıq, zəhmətiniz hər zaman yüksək qiymətləndirilsin