"Qarabağ" "Linkoln"u darmadağın etdi, mərhələ adladı

• 20.07.2023 08:58
• 130 baxış

Dünən "Qarabağ" Çempionlar Liqasının 1-ci təsnifat mərhələsində Cəbəllütariq "Linkoln"u ilə cavab oyununa çıxıb.

GundelikXeber.Az xəbər verir ki, Bakı Olimpiya Stadionunda keçirilən matç Ağdam təmsilçisinin 4:0 hesablı qələbəsi ilə başa çatıb. Bununla da "Qarabağ" "Linkoln"u ümumilikdə 6:1 hesabı ilə üstələyərək 2-ci təsnifat mərhələsinə adlayıb.

"Qarabağ" 2-ci təsnifat mərhələsində Polşa "Rakuv"u ilə qarşılaşacaq.

Qeyd edək ki, ÇL-də 2-ci təsnifat mərhələsinin oyunları 25-26 iyul və 1-2 avqust tarixlərində keçiriləcək.

Çempionlar Liqası, 1-ci təsnifat mərhələsi, cavab oyunu

20:00. "Qarabağ" - "Linkoln" (Cəbəllütariq) - 4:0 

Qollar: Abdullah Zubir, 7 (1:0), Bəhlul Mustafazadə, 45+1 (2:0), Redon Cica, 49 (3:0), Marko Yankoviç, 62 (4:0)

Hakimlər: Eldorjan Hamiti, Ridiger Çokaj, Ani Koçiaj, Cjapi Kreşnik (Albaniya)

Bakı Olimpiya Stadionu.

İlk oyun - 2:1.