“Qarabağ”dan Çempionlar Liqasına uğurlu başlanğıc

• 23.07.2024 21:56
• 60 baxış

Bu gün UEFA Çempionlar Liqasında ikinci təsnifat mərhələsinin oyunlarına start verilib.

Edalettv.az xəbər verir ki, turnirdəki təmsilçimiz “Qarabağ” yeni mövsümdə ilk rəsmi matçına çıxıb. 

Ağdam klubu Cəbəllütariqdə “Linkoln”un qonağı olub və 2:0 hesablı qələbə qazanıb. 

Bu komandalar arasındakı cavab matçı iyulun 30-da Bakıda keçiriləcək.

Xatırladaq ki, "Linkoln" "Qarabağ"a tanış rəqibdir. 2023/24 mövsümünün birinci mərhələsində də Ağdam təmsilçisi Cəbəllütariq çempionu ilə qarşılaşmış və hər iki matçda qələbə qazanmışdı (2:1 səfərdə, 4:0 evdə).

UEFA Çempionlar Liqası

II təsnifat mərhələsi, ilk oyun

23 iyul

20:00. “Linkoln” (Cəbəllütariq) - “Qarabağ” (Azərbaycan) - 0:2 

Qol: Juninyo, 45+2, Toral Bayramov, 75

Baş hakim: İştvan Vad (Macarıstan)

Cəbəllütariq, “Europa point stadium”