Qazaxda mülki şəxs minaya düşdü

• 14.10.2024 13:19
• 60 baxış

Qazax rayonunun Quşçu Ayrım kəndi ərazisində , 2001-ci il təvəllüdlü İlkin Sarıyev ərazidə mal-qara otaran zaman minaya düşüb.

Tibbi Ərazi Bölmələrini İdarəetmə Birliyindən (TƏBİB) bildirilib ki, oktyabrın 14-ü 2024-cü il tarixdə mina partlayışı hadisəsi səbəbilə xəsarət alan bir nəfər (kişi cinsli) Qazax Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

"Mina partlayışı nəticəsində sağ ayaq nahiyəsindən xəsarət alan 2001-ci il təvəllüdlü şəxsə zəruri tibbi xidmət göstərildikdən sonra tibb müəssisəsinin Cərrahiyyə şöbəsinə yerləşdirilib, vəziyyəti stabildir", - deyə məlumatda vurğulanır.