Sabahdan Azərbaycanda yeddigünlük Novruz tətili başlayır

Sabah, martın 20-dən Azərbaycanda Novruz bayramı ilə əlaqədar bir həftə (yeddi gün) qeyri-iş günü olacaq.

GundelikXeber.Az xəbər verir ki, Nazirlər Kabinetinin “2024-cü il üçün Novruz, Ramazan və Qurban bayramları günlərinin müəyyən edilməsi haqqında” qərarına əsasən, 2024-cü il martın 20-si, 21-i, 22-si, 23-ü və 24-ü Novruz bayramı günləri müəyyən edilib.

Martın 23-ü və 24-ü şənbə və bazar günlərinə təsadüf etdiyi üçün, Azərbaycanın Əmək Məcəlləsinə əsasən, martın 25-i və martın 26-sı da qeyri-iş günləri olacaq.

Beləliklə, Novruz bayramı ilə əlaqədar yeddi gün ardıcıl (martın 20-si, 21-i, 22-si, 23-ü, 24-ü, 25-i və 26-sı) qeyri-iş günləridir.

Azərbaycanda bayram tətilindən sonra növbəti iş günü martın 27-dir.

Digər Xəbərlər
Dəfn üçün birdəfəlik sosial müavinətin 960 manat olması proqnozlaşdırılır
Hərbi xidmətdən yayınan gənc həbs edildi
İlham Əliyev Rusiyanın maliyyə naziri və Dövlət Dumasında fraksiya rəhbəri ilə görüşüb
Ermənistanın militarizasiya siyasətinə cavab olaraq Azərbaycan müdafiə xərclərini artırır