Zaqatalada dönərdən zəhərlənənlərin vəziyyəti açıqlanıb
- 08.05.2024 12:29
- 151 baxış
Mayın 7-də saat 17:40-dan başlayaraq zəhərlənmə şübhəsilə 34 nəfər (21 qadın cinsli, 13 kişi cinsli olmaqla) Zaqatala Rayon Mərkəzi Xəstəxanasının Təcili Yardım Şöbəsinə daxil olub.
Bu barədə APA-nın yerli bürosuna TƏBİB-dən bildirilib.
Məlumata görə, onlardan 15-i uşaqdır.
“Hər birinə zəruri tibbi xidmət göstərilib, 16 nəfər artıq evə buraxılıb. Digərlərinin vəziyyəti stabil olaraq qiymətləndirilir və gün ərzində evə buraxılmaları nəzərdə tutulur”, - məlumatda deyilir.
