Zaur Rəhimov Sahibkar

• 05.01.2026 14:13
• 2574 baxış

Zaur Rəhimov Məşdağa kəndinin adını hər zaman uca tutan, halal zəhməti, təmiz vicdanı və yüksək insani keyfiyyətləri ilə seçilən dəyərli sahibkarlardandır. O, uzun illərdir ki, şirniyyat sexinin rəhbəri kimi fəaliyyət göstərir və bu sahədə qazandığı uğurlarla yanaşı, insanlara olan münasibəti, səmimiyyəti və xeyirxahlığı ilə də böyük hörmət qazanıb. Zaur müəllimin rəhbərlik etdiyi şirniyyat sexi təkcə dadlı və keyfiyyətli məhsulları ilə deyil, həm də zəhmətkeş kollektivin bir ailə kimi çalışdığı nümunəvi iş mühiti ilə tanınır. O, hər zaman işində dürüstlüyü, halal qazancı və məsuliyyəti əsas prinsip kimi qəbul edir.

Zaur Rəhimov üçün sahibkarlıq yalnız maddi qazanc demək deyil. Onun həyat fəlsəfəsində insanlara fayda vermək, ehtiyacı olanların yanında olmaq, cəmiyyətə töhfə vermək xüsusi yer tutur. Bu baxımdan Zaur müəllim şəhid ailələrinə və qazilərimizə göstərdiyi sonsuz hörmət və qayğı ilə hər kəsə örnəkdir. Vətənimizin azadlığı və torpaqlarımızın bütövlüyü uğrunda canından keçən şəhidlərimizin ailələrini daim diqqətdə saxlaması, qazilərimizin problemlərinə biganə qalmaması onun necə böyük ürəyə sahib olduğunun bariz göstəricisidir. O, bu ailələrə təkcə maddi deyil, mənəvi dəstək göstərməyi özünə borc bilir.

Zaur müəllim hər zaman bildirir ki, bu gün rahat və təhlükəsiz yaşayırıqsa, bunu məhz şəhidlərimizin və qazilərimizin qəhrəmanlığına borcluyuq. Bu düşüncə onun bütün fəaliyyətində açıq-aydın hiss olunur. Bayram günlərində, əlamətdar tarixlərdə şəhid ailələrini ziyarət etməsi, qazilərlə yaxından maraqlanması, onların dərdini dinləməsi Zaur Rəhimovun vətənpərvərliyinin sadəcə sözlə deyil, əməllə sübutudur. O, bu davranışları ilə gənc nəsilə də gözəl nümunə göstərir, Vətənə sevginin, dövlətə sədaqətin necə olmalı olduğunu əyani şəkildə nümayiş etdirir.

Məşdağa kəndində Zaur Rəhimovun adı çəkiləndə insanlar onu vicdanlı sahibkar, xeyirxah insan və etibarlı şəxs kimi tanıyır. Kənd sakinləri onun səmimiliyini, köməksevərliyini və ədalətli mövqeyini daim yüksək qiymətləndirirlər. O, imkan daxilində ehtiyacı olan insanlara əl tutur, sosial məsələlərdə fəallıq göstərir və cəmiyyətin rifahı üçün çalışır. Bütün bunlar Zaur müəllimi yalnız uğurlu sahibkar deyil, həm də dəyərli vətəndaş kimi tanıdır.

Zaur Rəhimov Məşdağa kəndinin haqlı qürurudur. Onun gördüyü işlər, göstərdiyi humanist mövqe və vətənpərvər davranışlar sübut edir ki, cəmiyyətimizdə belə vicdanlı, mərhəmətli və məsuliyyətli insanların olması böyük sərvətdir. Zaur müəllim öz əməlləri ilə bu günə və gələcək nəsillərə örnək olaraq qalır, adı hörmətlə çəkilən, xeyirxahlığı ilə yadda qalan insanlardan biri kimi tanınır.